وليس أخيرا

الله أخذت الشهادة والحمدلله نسبتي مو ترفع راس ترفع راسين ..راس أبوية وراس أمي

وذحين على قولة الفيلسوفة "ons" جاري البحث عن المدرسة إلي تعجبني

وأتمنى اني الاقيهامع اني نفسي اروح مع صحباتي

بس مااقدر عشان انا ماابغا اروح حكومي ومااعرف اروح مطور ولا عادي

انا ماابغا افكر في ذا الموضوع لانو يعورلي بطني

وكذا يسير باقيلي بس الثانوي سنة وسنتين وثلاثة

وأكون خلصت مع اني ما ابغا اطلع من المدرسة مو حلو

اقعد كذا من غير مدرسة ايش اقعد اسوي

"أطل في ons"؟

يلا لمن الاقي مدرسة اقول لكم 

nahg 

وأخيرا

وأخيييييرا

استلمت ملفي ...صراحة كان شعورعادي كأني اخذ شهادة ابتدائي أو متوسط
ما أدري يمكن يجي اليوم الي احس فيه اني تخرجت...بالرغم من انو انا
-واعوذ بالله من كلمة أنا- من زمان حاسة نفسي كبيرة واحس اني اكبر من أختي إلي أكبر مني
لا وأحيانا أسأل nahg عن وجهي (بدأ يطيح ولا لأ ) وطبعا ماترد على هذا السؤال الذكي
تكتفي تعطيني نظرة وتمشي..
صراحة كانت ثالث ثانوي أحلى سنة॥ تعلمت منها كثير واكتشفت فيها طريقة المذاكرة
بس على حظي كانت اخر سنة ॥وبعدها لازم تتغير طريقة المذاكرة
بعد اليوم مافي أحد بيجري ورا درجاتي ومصلحتي
فلازم أعتمد على نفسي أكثر(مسوية فهمانة)!ملاحضة: انا ما أبغا اتكلم ولا أجيب سيرة الجامعة عشان مايجيني الغم
وعشت في هذي السنة مع بنات يادوب تماسكو وصارت قلوبهم على بعض ولا السنة
تمشي بسرعة وما نلحق نعيش اللحظات الحلوة أكثر

ومبروك لكل الناجحين ومبروك لي كمان افتتاح المدونة العالمية وانا _ وأعوذ بالله من كلمة أنا_
اول وحدة أكتب فيها (يعني قبل nahg بحكم إني اكبر وأذكى) وهذا أول موضوع أكتبه
وافتتاح هذي المدونة دليل على الفضاوة أأأقصد النباهة
وشكرا لاختياركم النسخة الاصلية

ons