يوم تاريخي

الجاذبية

فيديو يتحدث عن الجاذبية الارضية وقوانين كبلر الفيزيائية

من تصويري

لا ألوم ساركوزي

ذهبت بعد أن سمعت أخبار أول أسبوع بعد شهر رمضان سنة 1431
حيث كانت غالبيتها مؤامرة حول ديننا من تهويد لأراضي إلى حرق للمصحف إلى منع لبناء مسجد وأخيرا إلى حظر النقاب ...ذهبت وأنا كلي أمل أن أجد مايثلج صدري من ردود فعل قوية على كل ما يحدث .. فإذا بي أمام صفحات عربية مسلمة أغلبيتها مؤيدة ... لم ألم المدعو ساركوزي حينها .. فكثيرممن هم حولنا يودًون تقبيل يده على مبادرته الدائمة للحرية أو كتبوا ببساطة (عقبالنا يارب) ..وبررًوا قولهم أن هذا ليس من الدين وإن لم يكن من الدين ..أيصل الذل أن تجرؤون النصارى علينا؟؟
إذا قال أحدهم:
إن لبس الحذاء الشرقي ليس من دينكم فلماذا تلبسونه ؟ سنجيبه بأنه من عادتنا وثقافتنا ولن نسمح له بالتجرؤ أكثر...
كان هذا في صفحات مصرية ولكن ولله الحمد  قرأت من الردود ما يثلج صدري واستطاع بعضهم الرد..
لكني توجهت بعدها إلى صفحات خليجية التي بالفعل استطاع المعلقون فيها أن لايجعلوا أحد يرد على آرائهم..لا لقوتها بل لأن القارئ يترفع عن الرد على مثل هذا التفكير..
فإحدى المعلقات تعلق على الفرنسية التي غرًمت بأنها يجب أن تغرم لأننا نخاف من أن تدهس أطفالنا..
في حين أنه لا أحد يعترض على النظارات السوداء فضلا عن أمر لايحجب من العين شيئ..
والآخر يضفي بتعليقه الأكثر من رائع فيقول : إن العلماء يفتوا ويتناقشوا في كشف الوجه وسواقة المرأة للسيارة ويتناسوا قضية فلسطين ...
إذا كان سأل أخته لم لا ترتدي عباءة فأخبرته أن هناك قضية أكبر من المفترض أن يهتم بها وهي قضية فلسطين فأظن أنه سيفاجئ من تفكير أخته السقيم .. وليعلم أن لكل مجال همه ومشاكله من سياسي واجتماعي واقتصادي والأهم الديني...للنظر إلى هناك إلى بلد ال 8 ملايين متشرد حين تظاهروا على قصة حرق المصحف .. رغم الفقر إلا أن دينهم أولى ولا أحد يستطيع أن يقول لهم انظروا الى فقركم وفقر غزة ثم تعالوا للتتظاهروا عن دينكم...
يتبع

ONS

عمرة في رمضان

طلعنا أنا وأبوي ونهج وأخوي مكة نبا نسوي عمرة ونتسحر ونرجع ..فاقترحت على أبوي يسيبني انا ونهج نسوي عمرة بدون مايكون جنبنا عشان لانصقع في الناس من كثر مانجري وراه ..وتم قبول الفكرة.. أبوي حس إننا بنضيع كالعادة فقلنا إذا ضيعتوا روحوا باب الملك عبدالعزيز..وافترقنا وطفنا وسعينا..لكن في السعي نهج كانت تمشي ببطئ فسبتها ورحت على أساس هي عارفة فين تروح (كانت لابسة طاقية تحت الطرحة) ..وخلصت ورحت باب الملك عبدالعزيز وقابلت أبوي وأخوي وقعدنا نستنا الأخت المصون نهج ..وطال الإنتظار وأبوي خايف على السحور يفوته..وندق عليها ولكن لامجيب..قلت لأخوي يقوم يدور على بنت لابسة طاقية تحت الطرحة بس مافي فايدة..مرت ساعة وسارت تجينا أفكار عجيبة (انخطفت..تعبت وأغمى عليها..نامت)..شوي ويقطع الأفكار اتصال منها لأبوي..أبوي رد وهوا مكفرن:وينك؟؟؟
 نهج بكل برود:أسعى!! أبوي: ليش انتي في الشوط الكم؟؟
 نهج:لسٌا في الشوط ال 12باقيلي شوطين!!! طبعا ابوي مو عارف ايش يسوي في حظه لأنو الأخت المخلصة تحسب 7 روحا و7 جيا..والحمدلله لحقنا على السحور..وما وصلنا البيت إلا والخبر منتشر عند العائلة كلها..
                                            ons 

فلسطين أمل وألم

NAHG

حب النظام الزايد

الحمد لله سوينا عمرة رمضان أمس  والحمدلله الجو يلعلع المهم مو هذا الي لفت انتباهي الي لفت إنتباهي حب النظام الزايد الي يجري في عروق العساكر.أنا أتوقع إنهم يجيبو للحرم أحاسن الناس أخلاق ( بس يصفوهم من الذووق) ما ندري يمكن ما يمشي النظام غيرهم..  يبغو ينظمو خلق الله المساكين والي ما يفهمو عليهم شي .. حسيت من جد بشي من شعور الفلسطينين ..هذا يرفس الحرمة وهيا ساجدة في راسها هذا كلو عشانها صلت في الطريق كان نفسي أقولو عيدها عشان أصورك من جد كان نفسي أصوره عشان أروح أشتكيه والي تقولنا ضربوني والي يقول لصاحبوا كب عليها موية.. ما سار نظام قلبوها حرب وشغل شوارع وأنا وأخواتي مشينا ندورلنا مكان نصلي فيه مالقينا وقفنا نستنا على الطرف بحيث بس يبدأ الامام نبدأ وما حنسوي زحمة ولاشي.. شوي نسمع صرخة وهجوم مخيف أرعد فرائصنا بس الحمدلله ما كان علينا كان على الي جمبنا كانت من ذولاك الحريم المنظمات بس صراحة كان شي يموت خوف المهم هشهشتنا زي الغنم ورحنا بكل بساطة على الطرف الثاني وبسرعة ارتصينا وكبًرنا عاد العسكري طرطع لأن مكاني كان ماخذ فدر شبر من الدرج وقام الشرطي يصيح على صاحبتو (دفًيها أنا ما أقدر ألمسها ) أنا كنت بموت من الخوف سارت الحرمة تقولي الله يرضى عليكي يا بنتي قدمي شوي وأنا مسويه فيها قوية وقلت في نفسي ماني مقدمة لو ايش لأنو دوبنا كنا بنرتص قدام مارضيتو كان نفسي ادعي عليه بس قلت حرام يمكن حبً النظام الي يمشي في عروقه.

ONS

إجازة رائعة

1. الجزء الأول

"تركيا"

أولا الحمدلله على كل حال...أنا ذحين راجعة من رحلة رائعة جدا..ماأقول إلا الحمدلله

الساعة..الثالثة مساءً

العودة من ..تركيا..المدة ..أسبوعين على التخطيط "كانت رحلة إنما إيه"

أعصابنا اتلاعبت فيها لعب بس كنا كلنا نصبر بعض قبل لانروح بأسبوع...

•سارت مشاكل كالعادة

وبعدين وبعد جهد جهيد ..ودخلّنا أطراف ثانية مساعدة في حل المشاكل..

كانت تمشي الايام واحنا خايفين لأن كل ماراح نشوف مناظر طبيعية "فظيعة"..راح ناخذ نظرة حارة من أمي أوكلمة"يلا أفرحوا"شايفين المناظر الخلابة . ومرت الأيام..ويقترب موعد السفرالأليم ..وقاعدين نجهز الشنط ..أبوية قال: الساعة 5 العصرالإقلاع

•الساعة ذحين1 الظه..شوية.. أبوية يدق عليهم ...أختي جات تقول في أذني:  الطيارة راحت عليكم..!!أطل فيها..أبغاها تقول لالا أمزح..بس كان من جد قالت لي: أبوية شعره وقف ..

وأبوية سار يجري من تلفون لجوال من جوال لجوازات السفر..وينادينا:بالله قوليلي كم الرقم ماني شايف تمام ..ونقوله الرقم زي ماهوّا مكتوب على الاوراق..شوية تهون ويقول::لالا هيّا الساعة 5 زي ماهيّا <<يلا اللي بعده

رحنا المطار ..كان كل شي تمام.. ركبنا الطيارة..برضو تمام نزلنا من المطارأقصد من الطيارة (بدأت أسّطل)

•طبعاَ الطيار" نيكولاس"<<حفظت اسمو.. خبط بالطيارة خبطة جامدة..الكل قام يصيح أهم شي نزلنا بسلامة

طبعا هناك من الطيارة للمطار على طول مافي درج وباصات ...دخلنا وكان المطار فاضي أستقبلنا واحد من المطاريبغا يشوف أوراقنا ..كان أبوية قبل السفرة راح للسفارة التركية وقال ابغا تأشيرات قالوا انتو العراقيين مالكم تأشيرة أبوية قالوا اتأكد مانبغا نتورط هناك.. قالوا لالامتأكد ..وابوية سأل واحد ثاني قال :ايوة العراقيين مايبغالهم تأشيرة هناك 
المهم هذا اللي استقبلنا.أبوية قالوا احنا عراقيين..قام قالو.طيب فين تأشيراتكم؟؟

وقاموا يتناقشوا وإحنا نتناقش

•وصل الموضوع إننا نرجع إلى "جدة" الحبيبة..لأنه السفارة مقفلة ولاأحد بيرد علينا ..رجعونا الطيارة وجو يعتذروا لنا وقعدونا قدام "درجة أولى"والمسئول جا يطمن علينا وأبوية مسكين ارتفع ضغطه وأمي مبسوطة وأناكنت مرتاحة أكثر من الجيّة وأختي تدعي عليهم وأخواني الصغار قرروا إنهم يجننوا اللي في الطيارة.ويحطوا حرتهم فيهم..ونفذوا اللي قرروا..كل شوية يغيروا مكانهم..وطلبوا وجبتين..وعصيرين..وأختي شالت وجبتها وحطتها في كرسي فاضي .. وكل شوية ينطوا عالحمام..

وفي مضيف أختي اتسلطت عليه..لدرجة إنو نزل يودعنا..وأخوي ماخذ الطيارة ملعب كورة..

نزلنا واستقبلنا واحد مسئول ..ويعتذر وحقك علينا ونرجع لك فلوسك..وسار يساعدنا في الشنط واحنا عاد شفنا حالنا ..المهم

شالوا شنطنا وفحصوها والكلام ذا واعطوها العامل يشيلها..ويوصلها سيارتنا..كانت شنط وأكياس حطينا فيها بعض القرط "الأكل السريع">>حتى يكون الفم شغال طوال الرحلة .. إلاّوالعامل الله يعطيه العافية (زاد الطين بلة)وطيح كل شي في الشارع

..عاد أعصابنا كانت بتفلت عليه....

رجعنا بيتنا الحبيب والحارس والشغالة انتهت أحلامهم السعيدة..وجا كابوسهم"إحنا"والشغالة مرضت بهذا الخبر المرعب

ورجعنا أنا وأختي للمنوال اليومي .."رتبوا غرفكم".."لموا الصالة"..

حلو رحنا تركيا لمدة ساعتين..روحة ورجعة بدون ماندفع ولاريال..

NAHG

.:الروتين:.

هذا الفيديو فاز بالجائزة التقديرية من برنامج"الشاشة لك"...

   كان روتيني .....

و بدأ يغيرمن نفسه....

NAHG